Belə insanlar özlərini olduqlarından daha üstün və vacib insan kimi göstərir, lovğalanmaq məqsədilə edə bilməyəcəklərini deyir, öhdəsindən gələ bilməyəcəkləri işlərdən bəhs edirlər. Müvəqqəti xeyir və mənfəətlər əldə etmək üçün əslində etməyə niyyətləri olmadığı şeyləri vəd edirlər. Bu qeyri-səmimi hərəkətlər cəmiyyətdə əhəmiyyət verilməyən lakin vərdiş edilmiş davranışlardır. Halbuki, insanların edə bilməyəcəklərini demələri Allah dərgahında sevilməyən və günah kimi xarakterizə edilən davranışdır:
“Ey iman gətirənlər! Etməyəcəyiniz bir şeyi niyə deyirsiniz? Etməyəcəyiniz bir şeyi demək Allah yanında böyük qəzəbə səbəb olar” (Səff surəsi, 2-3).
Ayələrdə pislənən yalançılıq, ikiüzlülük və qeyri-səmimilik kimi bir çox mənfi xüsusiyyətlər də bu davranışa daxildir. Quranda göstərilən gözəl əxlaqa ən uyğun şəkildə yaşamağı özlərinə məqsəd kimi qəbul etmiş möminlər Allah dərgahında pislənən bu davranışdan uzaq olmağa çalışırlar.